Skilmálar

Skilmálar vegna tölvupósts

Tölvupóstur þessi og viðhengi hans kunna að innihalda trúnaðarupplýsingar. Ef þú ert ekki réttur viðtakandi er þess óskað að þú gætir fyllsta trúnaðar og leyndar, hvorki lesi, skrái, afriti né notfæri þér tölvupóstinn eða viðhengi hans á nokkurn hátt eins og þér er skylt skv. 2. mgr. 44. gr., sbr. 57. gr. laga nr. 107/1999 um fjarskipti. Jafnframt er farið fram á að þú tilkynnir til sendanda um móttöku tölvupóstsins eins fljótt og verða má með því að endursenda tölvupóstinn eða með sjálfstæðum tölvupósti. Loks er þess óskað að þú eyðir tölvupósti þessum, viðhengjum hans og afritum ef um þau er að ræða.

E-mail disclaimer

This e-mail message and any attachments are confidential and may be privileged. If you are not the intended recipient please uphold strict confidentiality and neither read, copy, nor otherwise make use of its content in any way and notify sender immediately — by replying to this message or by sending an e-mail — and destroy all copies of this message and any attachments. Thank you.

Almennir skilmálar

Yfirlit

Takk fyrir að hlaða niður smáforritinu okkar! Hér eru skilmálar fyrir notkun þess. Við biðjum þig vinsamlegast að lesa þá vandlega og ef þú samþykkir þá að haka við í reitnum „Samþykkja skilmála“ hér í smáforritinu.

Það kann að vera að við breytum skilmálunum af og til en þá munum við ávallt óska eftir að þú skoðir hina breyttu skilmála og samþykkir þá áður en þú heldur áfram að nota smáforritið.

Í þessum skilmálum segjum við annars vegar frá því hvernig við vinnum með upplýsingar um þig í tengslum við smáforritið og hins vegar lýsum við þeim skyldum sem fylgja því að nota smáforritið.

Vinnsla persónuupplýsinga þinna

Hér er að finna upplýsingar um okkur, hvernig við vinnum með upplýsingar um þig, í hvaða tilgangi og með hvaða heimild, hvaða tegundir af upplýsingum við vinnum með um þig, hverjum við miðlum þeim til, hversu lengi upplýsingarnar verða geymdar, hver þín réttindi eru varðandi vinnsluna og hvaðan upplýsingarnar eru fengnar. Þá segjum við frá því hvaða kröfur við gerum til þeirra sem vinna með upplýsingarnar þínar, hvernig þú getur afturkallað samþykki þitt fyrir vinnslunni og fengið upplýsingum um þig eytt.

Upplýsingar um okkur

Við erum Samkaup hf., Hagasmára 1, 201 Kópavogi. Við erum ábyrgðaraðili vinnslu persónuupplýsinga þinna í smáforriti þessu. Við störfum á íslenskum dagvörumarkaði og rekum verslanir víðs vegar um landið, allt frá lágvöruverðsverslunum til þægindaverslana. Þegar þessi skilmálar eru skrifaðir eru helstu verslanamerki Samkaupa eftirfarandi: Nettó, Kjörbúðin, Krambúðin, Prís, Extra og Spar.

Hvernig vinnum við með upplýsingar um þig í smáforritinu?

Í þessu smáforriti birtum við upplýsingar um þær vörur sem við seljum í verslunum okkar, afslætti og tilboð á þeim og yfirlit yfir kaup þín, auk þess sem að gefa af og til kost á að taka þátt í ýmiss konar leikjum.

Ef þú ert félagsmaður í þeim kaupfélögum sem við erum með samning við (sjá hér lista yfir þau: https://www.samkaup.is/kaupfelog), miðlum við einnig til þín afsláttum og tilboðum frá þeim í gegnum smáforritið. Til þess að staðfesta að þú sért félagsmaður sendum við fyrirspurn til félaganna þegar þú býrð til aðgang þinn í smáforritinu.

Til þess að þú getir nýtt þér afslættina eða tilboðin, fundið næstu verslun eða tekið þátt í leikjum þurfum við að vinna með persónuupplýsingar um þig. Þeim söfnum við eingöngu frá þér, tæki þínu eða kaupfélagi þínu og einungis ef þú samþykkir þessa skilmála. Upplýsingarnar flytjum til vinnsluaðila okkar sem sér um að vista þær og vinna með til að geta veitt þér framangreinda þjónustu.

Í hvaða tilgangi vinnum við með upplýsingar um þig?

Við vinnum eingöngu með persónuupplýsingar um þig í þeim tilgangi að veita þér þau fríðindi og þjónustu sem boðið er upp á í smáforritinu. Þá vinnum við með ópersónugreinanlegar upplýsingar um þig og aðra viðskiptavini til að veita þriðju aðilum, svo sem birgjum okkar og greiningaraðilum, upplýsingar um sölu á vörutegundum.

Hver er heimild okkar til að vinna við með upplýsingar um þig?

Við byggjum alla okkar vinnslu persónuupplýsinga um þig annars vegar á samþykki þínu sem þú veitir með því að haka við í reitnum „Samþykkja skilmála“ hér í smáforritinu og hins vegar á lagaskyldu, einkum ákvæðum í lögum í bókhald um vistun gagna.

Hvaða tegundir af upplýsingum vinnum við með um þig?

Við vinnum með eftirtaldar tegundir af persónuupplýsingum um þig:

Tengiliðaupplýsingar, þ.e. nafn þitt, netfang, símanúmer og heimilisfang.
Greiðsluupplýsingar, þ.e. tegund greiðslukorts þíns og greiðslukortanúmer.
Staðsetning, þ.e. upplýsingar um staðsetningu þess snjalltækis þíns sem smáforritið er á.
Auðkenni, þ.e. kennitala, notendanafn og lykilorð fyrir aðgang þinn í smáforritinu, einkvæmt auðkenni snjalltækisins og IP tala þess þegar það hefur samband við okkur.
Innkaupalisti, þ.e. upplýsingar sem þú ákveður að vista hjá okkur um hvaða vörur þú hefur hug á að kaupa.
Kaupsaga, ásamt því hvaða vörur þú kaupir með afslætti eða fríðindum sem þú færð í smáforritinu.
Notkunarupplýsingar, þ.e. upplýsingar um hversu oft og hvernig smáforritið er notað, svo sem hvaða leið notendur fara um það og á hvað þeir smella.
Greiningarupplýsingar, þ.e. upplýsingar um hvort smáforritið bili, frjósi eða hætti skyndilega, hve langan tíma það tekur að ræsa og hve mikla orku það notar.
Aðrar persónuupplýsingar: Kyn (valkvætt), aðild að kaupfélagi sem við höfum samning við, þátttaka í leikjum sem boðið er upp á í smáforritinu.

Hvert miðlum við upplýsingum um þig?

Við sendum upplýsingar um þig til vinnsluaðila okkar sem annast vinnslu þeirra til að veita þér þá þjónustu sem þú nýtur í smáforritinu. Vinnsluaðili okkar er Passcreator og við þau höfum við gert vinnslusamning í samræmi við ákvæði réttarreglna um persónuvernd. Við áskiljum okkur rétt til að skipta um vinnsluaðila en þá uppfærum við þessa skilmála því til samræmis. Að auki veitum við þriðju aðilum, svo sem birgjum okkar og greiningarfyrirtækjum, tölfræðilegar upplýsingar um þá hópa sem kaupa vörur í verslunum okkar, svo sem á hvaða landssvæðum þeir búa eða á hvaða aldursbili þeir eru en þessar upplýsingar eru ávallt ópersónugreinanlegar. Við afhendum ekki upplýsingar um þig til annarra nema á grundvelli fyrirmæla í settum réttarreglum eða niðurstöðum dómstóla.

Hversu lengi verða upplýsingar um þig geymdar?

Við vinnum með upplýsingar þínar þar til þú eyðir aðgangi þínum hjá okkur. Eftir það geymum við upplýsingarnar í þann tíma sem okkur er skylt vegna ákvæða í lögum um bókhald, þ.e. nú í minnst 7 ár en ekki lengur en í 10 ár.

Hver eru þín réttindi varðandi vinnsluna?

Þú átt rétt á að óska eftir aðgangi að og afriti af persónuupplýsingum þínum hjá okkur, láta okkur leiðrétta þær ef þær eru rangar eða villandi eða láta okkur eyða þeim ef við höfum ekki lengur heimild til að vinna með þær. Þessum réttindum er nánar lýst í lögum um persónuvernd, sbr. nú 17. og 20. gr. laga nr. 90/2018. Þú átt samkvæmt síðarnefndu lagagreininni einnig rétt á að flytja eigin gögn eða að við takmörkum vinnslu persónuupplýsinga um þig, að uppfylltum nánar tilteknum skilyrðum. Þú átt einnig rétt á að andmæla vinnslunni skv. 21. gr. laganna. Þá átt þú að auki rétt á að leggja fram kvörtun hjá Persónuvernd vegna vinnslunnar. Skrifstofa hennar er að Rauðarárstíg 10, 105 Reykjavík og netfang hennar er postur@personuvernd.is

Hvaðan eru upplýsingarnar um þig fengnar?

Við vinnum eingöngu með upplýsingar um þig sem þú, snjalltæki þitt eða kaupfélag þitt hefur látið okkur í té eða upplýsingar sem við höfum skráð um notkun þína á smáforritinu eða kaup þín með aðstoð þess.

Hvaða kröfur gerum við til þeirra sem vinna með upplýsingar um þig?

Við gerum þær kröfur til þeirra sem við miðlum persónuupplýsingum þínum til að þeir fari með upplýsingarnar á jafn öruggan hátt eða öruggari en lýst er í þessum skilmálum.

Hvernig getur þú afturkallað samþykki þitt fyrir vinnslunni og fengið upplýsingum um þig eytt?

Þér er ekki skylt að afhenda okkur neinar upplýsingar. Einu afleiðingar þess að þú veitir okkur ekki upplýsingar er að viðkomandi þjónusta í smáforritinu mun þá ekki virka sem skyldi eða yfir höfuð.

Þú getur hvenær sem er eytt aðgangi þínum hjá okkur eða gert hann óvirkan með því að hafa samband með þeim hætti sem lýst er hér að neðan undir „Hafðu samband“ og óska eftir að aðganginum verði eytt. Aðgangur eyðist ekki við það eitt að fjarlægja smáforritið af snjalltæki þínu. Við eyðingu aðgangs eyðast innan þriggja mánaða allar persónuupplýsingar sem við höfum um þig nema þær sem eru á öryggisafritum eða geymdar eru vegna lagakrafna en aðgangur að þeim er skertur. Þær upplýsingar eyðast svo í samræmi við það sem kemur fram hér að framan um geymslutíma upplýsinga um þig. Ef þú velur að gera aðgang þinn óvirkan geymum við upplýsingarnar en skerðum aðgang að þeim þar til þú endurvirkjar aðgang eða eyðir honum.

Skilyrði fyrir notkun smáforritsins

Almennt

Notkun smáforritsins er gjaldfrjáls.

Óheimilt að afrita eða líkja eftir smáforritinu með neinum hætti, hvorki í heild eða hluta, afhjúpa frumkóða þess, þýða á önnur tungumál eða miðla til annarra.

Öll notkun á smáforritinu er á ábyrgð notanda. Samkaup hf. bera enga ábyrgð verði notandi fyrir tjóni vegna notkunar á smáforritinu, s.s. ef þriðji aðili kemst yfir snjalltæki notanda eða aðgang hans að smáforritinu. Þá bera Samkaup hf. ekki ábyrgð á gagnaflutningskostnaði eða rafmagnsnotkun sem tengd er notkun smáforritsins. Samkaup hf. bera ekki ábyrgð á villum við meðferð greiðslufyrirmæla.

Með því að samþykkja skilmála þessa samþykkir þú að þér verði vísað á heimasíður annarra fyrirtækja þegar þú notar smáforritið.

Söfnun inneignar

Þegar þú framvísar smáforritinu eða vildarkorti í farsíma við viðskipti í verslunum Samkaupa hf., getur þú safnað inneign af sérmerktum tilboðum.

Inneign safnast eingöngu þegar þú kaupir vörur sem eru hluti af sérstökum apptilboðum, sem tilgreind eru sérstaklega hverju sinni. Undanskilin eru kaup á vörum sem bera ekki virðisaukaskatt, en kaup á slíkum vörum leiða ekki til inneignar. Inneignina getur þú notað síðar sem greiðslu fyrir vörur í verslunum Nettó, Kjörbúðum eða Krambúðum.

Til að safna inneign auðkennir þú þig á kassa með því að skanna vildarkort í appi eða í veskinu í símanum þínum.

Upplýsingar um fjárhæð inneignar eru alltaf aðgengilegar í smáforritinu.

Inneign er ekki framseljanleg og ekki er hægt að fá inneign greidda út í peningum.

Þú mátt ekki leyfa öðrum að nýta smáforritið þitt eða nýta í þínum innkaupum inneign sem aðrir viðskiptavinir hafa fengið hjá verslunum Nettó, Kjörbúð og Krambúð. Þannig er þér með öllu óheimilt að skanna með smáforriti þínu QR kóða þegar aðrir eiga í viðskiptum við verslanir Samkaupa. Þrátt fyrir framangreint er aðilum sem búa á sama heimili heimilt að nýta sama aðganginn í smáforritinu.

Vakni grunur um misnotkun á smáforritinu, svo sem magninnkaup fyrir þriðja aðila eða óhófleg kaup umfram það sem telja má til heimilisnota og einkanota, áskilja Samkaup sér rétt til að stöðva eða loka tímabundið á reikning viðkomandi notanda. Þessar aðgerðir eru framkvæmdar til að tryggja sanngjarna notkun og jafnræði meðal viðskiptavina. Viðskiptavinir sem telja slíka lokun eiga sér ekki rétt á endurskoðun geta haft samband við þjónustudeild til að skýra málið.

Inneign fyrnist á tveimur árum frá því að þú vannst þér hana inn. Ef þú eyðir aðganginum þínum eða gerir hann óvirkan fellur sú inneign sem þú hefur unnið þér inn niður að tveimur árum liðnum. Ef aðgangur er ekki notaður í tvö ár fellur hann niður.

Samkaup áskilja sér rétt til að leggja inneignarkerfið niður eða breyta því án þess að tilkynna það sérstaklega. Ef kerfið verður lagt niður áskilja Samkaup hf. sér rétt til að fella niður áunna inneign.

Þátttaka í leikjum

Við gefum af og til kost á því í smáforritinu að taka þátt í leikjum þar sem í boði eru ýmiss konar vinningar. Gildistími, fjöldi leiktilrauna, vinningsmöguleikar og vinningar eru ekki þeir sömu í öllum leikjunum.

Til að fá vinning afhentan í verslun þarf að auðkenna sig með appi eða vildarkorti í veski á kassa. Samkaup áskilur sér rétt til þess að hætta við keppni, breyta verðlaunum og gildistíma leikja án fyrirvara. Leikir í smáforritinu eru hvorki styrktir af Google né Apple.

Hafðu samband

Þú getur ávallt haft samband við okkur á netfanginu samkaup@samkaup.is um hvaðeina sem tengist smáforritinu eða vinnslu persónuupplýsinga þinna í tengslum við það.

Varnarþing

Rísi réttarágreiningur í tengslum við smáforrit þetta, svo sem um vinnslu persónuupplýsinga því tengda, skal bera hann undir Héraðsdóm Reykjaness.

Útgáfa skilmálanna

Þetta er útgáfa 1.4 af þessum skilmálum. Við áskiljum okkur rétt til að breyta þeim án fyrirvara en þegar við gerum það vekjum við ávallt athygli þína á slíkum breytingum og biðjum þig að staðfesta að þú samþykkir þær.