Verslanir

Félagið rekur um fimmtíu smávöruverslanir víðsvegar um landið. Viðskiptavinir Samkaupa geta valið á milli helstu verslunarkeðja félagsins. Þær eru Nettó, Kjörbúðin, Krambúð, Samkaup Úrval og Samkaup Strax. Staða Samkaupa er áberandi og sterk bæði utan sem og innan höfuðborgarsvæðisins. Félagið býður uppá myndarlegar verslanir, fjölbreytt vöruúrval og sanngjarnt verð.

Margar af þeim verslunum sem Samkaup rekur voru upphaflega reknar af kaupfélögum, en Samkaup hefur í gegnum tíðina gert samninga um afsláttarkjör fyrir félagsmenn kaupfélaganna á starfssvæðum verslana félagsins. Um 30.000 félagar kaupfélaga nýta sér þessi afsláttarkjör í verslunum Samkaupa víða um land.