Hluthafar

Hluthafar Samkaupa voru 181 í lok árs 2012. Kaupfélag Suðurnesja ásamt dótturfélögum átti 62,8% hlut og Kaupfélag Borgfirðinga ásamt dótturfélagi átti 20,3%. Aðrir hluthafar áttu minna en 10% hver um sig.

Kaupfélag Suðurnesja var stofnað í Keflavík árið 1945 og nær starfssvæði þess í dag yfir Suðurnesin, Hafnarfjörð, Garðarbæ, Kópavog, Seltjarnarnes og Reykjavík. Félagar eru tæplega 4,000. Kaupfélag Borgfirðinga var stofnað í Borgarnesi 1904 og nær félagssvæði þess frá Breiðafirði suður í Hvalfjörð. Félagar eru rúmlega 1,200.